ខេត្តព្រះសីហនុ ៖ នាឱកាសនោះលោកវរនាវីឯក មាន សាវឿន នាយសេនាធិការរងមូលដ្ឋានសមុទ្ររាមបានដឹកនាំ នាយនាវី អញ្ជើញទទួលស្វាគមន៍នាវាកងទ័ពជើងទឹកអូស្ត្រាលី ចំនួន០១គ្រឿង នៅកំពង់ផែស្វយ័តក្រុងព្រះសីហនុនាព្រឹកថ្ងៃទី២ខែកញ្ញាឆ្នាំ២០២៤។
នាវាដឹកនាំដោយលោកវរនាវីទោ Ben Dalton មេបញ្ជាការនាវា ដេីម្បីបំពេញទស្សនកិច្ចនៅព្រះរាជាណាចក្រកម្ពុជារយៈពេល៣ថ្ងៃ ចាប់ពីថ្ងៃទី០២-០៤ ខែកញ្ញា ឆ្នាំ២០២៤ ក្នុងគោលបំណងពង្រឹង ពង្រីក កិច្ចសហប្រតិបត្តិការល្អ បង្កើនទំនាក់ទំនង និងរឹតចំណងមិត្តភាព សាមគ្គីភាព រវាងប្រទេសទាំងពីរ(កម្ពុជា-អូស្ត្រាលី) ឱ្យកាន់តែល្អប្រសេីរឡេីងបន្ថែមទៀត។
ក្នុងឱកាសទទួលស្វាគមន៍នាវាជើងទឹកអូស្ត្រាលីនាឱកាសនោះលោកវរនាវីឯក មាន សាវឿន នាយសេនាធិការរងមូលដ្ឋានសមុទ្ររាម បានសម្ដែងស្វាគមន៍រាក់ទាក់យ៉ាងកក់ក្តៅចំពោះនាវាកងទ័ពជើងទឹកប្រទេសអូស្ត្រាលីដែលបានមកចូលចតដល់កំពង់ផែដោយសុវត្ថិភាពនិងសូមឲ្យដំណើរទស្សនកិច្ចរបស់គណៈប្រតិភូនាវាកងទ័ពជើងទឹកអូស្ត្រាលីនៅក្នុងព្រះរាជាណាចក្រកម្ពុជារយៈពេល៣ថ្ងៃនេះប្រកបដោយទទួលបានលទ្ធផលជាផ្លែផ្កានិងសុខសុវត្ថិភាព។
ចំនួនយោធិនសរុបចំនួន ១៩៣នាក់
-នាយនាវី ៣២រូប នាវិក ១៥៨រូប និងយានិក០៣នាក់ (អ្នកបើកបរឧទ្ធម្ភាគចក្រ)
លក្ខណៈបច្ចេកទេសនាវា
-ឈ្មោះ HMAS Perth-FFH157(Anzac Class FFH)
-បណ្ដោយ ១១៨ម៉ែត្រ
-ទទឹង ១៤,៨ម៉ែត្រ
-កំពស់ ៣២,៤៧ម៉ែត្រ
-ជម្រៅទឹក ៦,៤ម៉ែត្រ
-ទម្ងន់ផ្ទុក ៣៩០០តោន
-ល្បឿន ៣២kts
-ឧទ្ធម្ភាគចក្រ ចំនួន១គ្រឿង ប្រភេទMH60-R Seahawk
ក្នុងដំណើរទស្សនកិច្ចនេះភាគីអូស្ត្រាលីនិងមាន
ពិធីជប់លៀងផ្លូវការដែលរៀបចំដោយនាវា Perth នៅល្ងាចថ្ងៃទី០២ ខែកញ្ញា ឆ្នាំ២០២៤។
គណៈប្រតិភូនាវាចូលជួបសំដែងការគួរសមជាមួយថ្នាក់ដឹកនាំខេត្ត ជាមួយមេបញ្ជាការមូលដ្ឋានសមុទ្ររាម។
ក្នុងសកម្មភាពដើរសន្តិភាពនិងសន្តិសុខនៅថ្ងៃទី ៣ខែកញ្ញាឆ្នាំ ២០២៤ រួមមានដំណើរទេសចរណ៍ និងការបង្ហាញអំពីប្រតិបត្តិការ ទូកតូចបច្ចេកទេសពន្លត់អគ្គីភ័យនិងអាហារថ្ងៃត្រង់នៅលើទូកជូនដល់នាយនាវី នារី នៃកងទ័ពជើងទឹកកម្ពុជាចំនួន ៨រូប ។
-ការប្រកួតបាល់ទះ មិត្តភាពរវាងនាយនាវី កងទ័ពជើងទឹកកម្ពុជា និងនាវិកនាវា Perth នៅថ្ងៃទី០៣ ខែកញ្ញា ឆ្នាំ២០២៤ ៕
