(បន្ទាយមានជ័យ)៖ គណ:កម្មាធិការគណបក្សមូលដ្ឋាន ខ២៧ សាខាខេត្តបន្ទាយមានជ័យ នារសៀលថ្ងៃទី២៧ ខែកក្កដា ឆ្នាំ២០២៤ បានបើកកិច្ចប្រជុំពង្រឹងការងារចុះមូលដ្ឋាន និងដាក់ទិសដៅអនុវត្តបន្តដល់ប្រធាន–អនុប្រធានក្រុមការងារ ខ២៧ ចុះជួយឃុំទាំង៤ ក្នុងស្វាយចេក ។
ពិធីនេះត្រូវបានធ្វើឡើងក្រោមអធិបតីភាព លោក សិទ្ធិ ឡោះ សមាជិកអចិន្ត្រៃយ៍គណៈកម្មាធិការបក្សខេត្ត និងជាប្រធានគណៈកម្មការ ខ ២៧ ចុះជួយស្រុកស្វាយចេក និងមានការអញ្ជើញចូលរួមពី លោក លោកស្រី ប្រធាន អនុប្រធាន ក្រុមការងារចុះជួយឃុំទាំង៤ ក្នុងស្រុកស្វាយចេក ។
លោក សិទ្ធិ ឡោះ សមាជិកអចិន្ត្រៃយ៍គណៈកម្មាធិការគណបក្សខេត្ត និងជាប្រធានគណៈកម្មការ ខ ២៧ចុះជួយស្រុកស្វាយចេក បានថ្លែងអំណរអរគុណ កោតសសើរ និងវាយតម្លៃខ្ពស់ចំពោះក្រុមការងារទាំងអស់ ដែលបានចូលរួមគ្រប់សកម្មភាពការងារបានល្អនិងទទួលបានការគាំទ្រពីប្រជាពលរដ្ឋ បានច្រើនពីការបោះឆ្នោត កន្លងមក និងសូមថែរក្សាការសាមគ្គីភាពផ្ទៃក្នុងឲ្យបានល្អ ជាពិសេសក្រុមការងារទាំងអស់ត្រូវបម្រើប្រជាពលរដ្ឋដោយយកបេះដូងទៅប្រើជាមួយប្រជាពលរដ្ឋ ដើម្បីទទួលបានសម្លេងគាំទ្រនិងឈ្នះឆ្នោតនៅពេលខាងមុខបន្តទៀត ៕
