បន្ទាយមានជ័យ៖ រថភ្លើងបើកទាក់ខ្សែអិនធឺណែត បាក់បង្គោលភ្លើង១បង្គោល និងដាច់ខ្សែអិនធឺណែតជិត១០០សរសៃ តែមិនបង្កឲ្យគ្រោះថ្នាក់ដល់មនុស្សឡើយ ហេតុការណ៍នេះ កើតឡើង នៅវេលាម៉ោង ១០និង៥០នាទី ថ្ងៃទី២៥ ខែមករា ឆ្នាំ២០២៤ នៅមុខផ្លូវចូលបុរីធីធី នៅក្នុងភូមិអូរជ្រៅ សង្កាត់អូរជ្រៅ ក្រុងប៉ោយប៉ែត។
អ្នកឃើញហេតុការណ៍បានឲ្យដឹងថា៖ មុនពេលកើតហេតុ គេមានរថភ្លើងចេញចូលដូចសព្វថ្ងៃ តែថ្ងៃមានទូរថ្មីមកដែលរៀងខ្ពស់ជាងមុនបន្តិច បណ្តាលឲ្យទាក់បណ្តាញខ្សែអិនធឺណែតប្រមាន៧០ទៅ៨០សរសៃបណ្តាលឲ្យបង្គោលភ្លើងបាក់១បង្គោល ដួលមកដំបូលសំយាបផ្ទះប្រជាពលរដ្ឋខូចខាតធ្លុះធ្លាយពីរសន្លឹក និងខ្សែអិនធឺណែត ជិត១០០សរសៃ ត្រូវបានកាត់ផ្តាច់ចោលទាំងអស់ ចំណែករថយន្តមិនបានរងការខូចខាតនោះទេ។
ក្រោយពេលហេតុការណ៍កើតឡើង កម្លាំងសមត្ថកិច្ចនគរបាលអាជ្ញាធរក្រុងសង្កាត់ ភូមិ បានមកសំរួលចរាចរណ៍ និងខាងក្រុមហ៊ុន អគ្គីសនីអានកូ បានមកផ្តាច់ចរន្តនិងរៀបចំបណ្តាញអគ្គីសនីជូនប្រជាពលរដ្ឋឡើងវិញ ចំណែកខ្សែបណ្តាញអិនធឺណែត ជិត១០០ខ្សែនោះមិនទាន់ឃើញក្រុមហ៊ុនមកធ្វើការតភ្ជាប់នៅឡើយទេ៕(ប៉ោយប៉ែត)
