ខេត្តបន្ទាយមានជ័យ៖សូមមានការប្រុងប្រយ័ត្នផង! ព្រោះថា នៅយប់ថ្ងៃទី២១ខែឧសភា ឆ្នាំ២០២៤ មានចោរម្នាក់ឯងបានលួចដោយចូលបើករថយន្តគេចខ្លួនទាំងមានជីដូននិងចៅ នៅក្នុងរថយន្ត ខណៈម្ចាស់ចុះទិញទំនិញ នៅចំណុចផ្សាអគ្គៈស្ថិតនៅក្នុងភូមិប៉ាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត បង្កការភ្ញាក់ផ្អើល រហូតកម្លាំងសមត្ថកិច្ច រូមនិងអាជ្ញាធរមូលដ្ឋានដេញតាម ។
បើតាមប្រភពព័ត៌មានបានឲ្យដឹងថា នៅមុនពេលកើតហេតុគេបានឃើញរថយន្តសេរីទំនើបមួយគ្រឿងម៉ាកលុចស៊ីសRX300ពណ៌ស ពាក់ស្លាក់លេខ បន្ទាយមានជ័យ2C-4361 ដែលម្ចាស់បញ្ឆេៈរួចឈប់ចតចុះទិញទំនិញ ត្រូវបានចោរលួចបើកទៅជាមួយយាយនិងចៅ ធ្វើឲ្យមានការផ្អើលឆោឡោ។
ពាក់ព័ន្ធករណីនេះលោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែត បានប្រាប់អ្នកសារព័ត៌មានតាមទូរស័ព្ទនៅថ្ងែទី២២ ខែឧសភា ឆ្នាំ២០២៤ថាៈ រថយន្តខាងលើបានបើកដល់ចំណុចកើតហេតុក៏បានឈប់ចតបញ្ចេះដោយមិនបានពន្លត់ម៉ាស៊ីន ព្រោះនៅក្នុងរថយន្តនោះមានម្ដាយនិងកូនរបស់គាត់ ខណៈនោះជនសង្ស័យជាចោរខាងលើអាចថា ជាជនញៀនថ្នាំបានឡើងបើកចេញទៅបាត់រយៈពេលមិនបាន៥ម៉ោងផង សមត្ថកិច្ចសហការជាមួយស្ថាប័នផ្សេង ដើម្បីស្វែងរកក៏ស្រាប់តែឃើញរថយន្តដែលជនសង្ស័យបើកយកទៅប្លុងចោលនៅខាងក្រោយផ្សារសមាគមន៌ស្ថិតក្នុងភូមិចាន់គិរី សង្កាត់អូឬស្សី ក្រុងប៉ោយប៉ែត។លោកបញ្ជាក់ថា ចំពោះជនសង្ស័យសមត្ថកិច្ចកំពុងតែធ្វើការស្រាវជ្រាវស្វែងរក ដើម្បីឃាត់ខ្លួនយកមកសួរនាំ៕
