បន្ទាយមានជ័យ៖ ដើម្បីធានាបាននូវសន្តិសុខ សណ្តាប់ធ្នាប់ សុវត្ថិភាពល្អ នៅយប់ថ្ងៃទី០៨ ខែមេសា ឆ្នាំ២០២៥ លោកឧត្តមសេនីយ៍ទោ សិទ្ធិ ឡោះ ស្នងការដ្ឋាននគរបាលខេត្តបន្ទាយមានជ័យ បានដាក់បទបញ្ជាដល់កងកម្លាំងនគរបាលជំនាញ និងកម្លាំងតាមបណ្តាអធិការដ្ឋាននគរបាលក្រុង–ស្រុក ពង្រឹងការប្រចាំការ ការយាមល្បាត ចុះត្រួតពិនិត្យអាវុធគ្រឿងផ្ទុះពេលរាត្រី ដើម្បីបង្ការ បង្ក្រាប បទល្មើសគ្រប់ប្រភេទ ក្នុងឱកាសបុណ្យចូលឆ្នាំថ្មីប្រពៃណីជាតិ។
ទន្ទឹមគ្នានេះ កម្លាំងបណ្តាអធិការដ្ឋាននគរបាលក្រុង–ស្រុក –ពង្រឹងការងារផ្សព្វផ្សាយគោលនយោបាយភូមិឃុំសង្កាត់មានសុវត្ថិភាព –ផលប៉ះពាល់នៃគ្រឿងញៀន –បន្តរឹតបន្តឹងច្បាប់ចរាចរណ៍ផ្លូវគោក –ពង្រឹងត្រួតពិនិត្យអ្នកបើកបរមានជាតិស្រវឹង រួមចំណែកកាត់បន្ថយគ្រោះថ្នាក់ឲ្យនៅកម្រិតទាបបំផុត។ –ពង្រឹងការបង្ក្រាបបទល្មើសគ្រប់ប្រភេទ ពិសេសបទល្មើសព្រហ្មទណ្ឌ និង ក្មេងទំនើងដោយគ្មានការលើកលែង។
លោកឧត្តមសេនីយទោស្នងការ ក៏បានត្រៀមរួចជាស្រេចនូវ សម្ភារៈ មធ្យោបាយធ្វើដំណើរគ្រប់ប្រភេទ អាវុធ កម្លាំងនគរបាលគ្រប់អង្គភាពចំណុះជាច្រើននាក់ សម្រាប់ដាក់ពង្រាយ ការពារសន្តិសុខ សណ្តាប់ធ្នាប់ សុវត្ថិភាព ជូនថ្នាក់ដឹកនាំ ភ្ញៀវជាតិ អន្តរជាតិ ប្រជាពលរដ្ឋ ដែលអញ្ជើញមកកំសាន្ត តាមរមនីយ៍ដ្ឋាន និងទីតាំងប្រារព្ធសង្ក្រាន ទូទាំងខេត្តសំដៅធ្វើយ៉ាងណាឲ្យខេត្តបន្ទាយមានជ័យ ទាំងមូលមាន សន្តិសុខ សវត្តិភាពល្អ៕
