បន្ទាយមានជ័យ៖នៅថ្ងៃទី២៧ ខែធ្នូ ឆ្នាំ២០២៤ ដោយមានការចង្អុលបង្ហាញពីលោកឧត្តមសេនីយ៍ទោរ សិទ្ធ ឡោះ ស្នងការនគរបាលខេត្តបន្ទាយមានជ័យ និងអនុវត្តតាមបទបញ្ជាយ៉ាងម៉ឺងម៉ាត់ ពី លោកវរសេនីយ៍ឯក ព្រហ្ម ពិសិដ្ឋអធិការក្រុងប៉ោយប៉ែត លោក វរសេនីយ៍ទោរ រ៉ែន សុភ័ក្រអធិការរង ព្រហ្មទណ្ឌ បានដឹងនាំកម្លាំងអធិការនឹងកម្លាំងប៉ុស្តិ៍ ចុះធ្វើការស្រាវជ្រាវ ឃាត់ខ្លួន បានជនសង្ស័យ ពីរនាក់ ពាក់ព័ន្ធករណីកាប់យកម៉ូតូ កាប់គប់គេ និងឆក់ជាយ៉ាងសកម្ម នៅក្រុងប៉ោយប៉ែត ខេត្តបន្ទាយមានជ័យ។
យកតាមប្រភពបានឲ្យដឹងថា ជនសង្ស័យទី ១ មាន ឈ្មោះឈិន សីហា ភេទប្រុស អាយុ១៦ឆ្នាំ ស្នាក់នៅភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត ខេត្ត បន្ទាយមានជ័យ បានឆ្លើយសារភាពថា កាលពីថ្ងៃទី២៣ ខែធ្នូ ឆ្នាំ២០២៤ វេលាម៉ោង៣ទាបភ្លឺ ថា ខ្លួននិងបក្ខពួកចំនួន៦នាក់ មានឈ្មោះភុំ ភេទប្រុស អាយុប្រហែល១៥ឆ្នាំ ,ឈ្មោះអាឡិច ភេទប្រុស អាយុប្រហែល១៧ឆ្នាំ ,ឈ្មោះអាម៉ាប់ ភេទប្រុស អាយុប្រហែល១៧ឆ្នាំ និង២នាក់ទៀតពុំស្គាល់ឈ្មោះ ។ពេលនោះខ្លួនជិះខាងក្រោយអាភុំ កាន់កាំបិតផ្គាក់ខ្លី ហើយអាម៉ាប់កាន់កាំបិតផ្គាក់វែង ខ្លួននិងបក្ខពួកបានធ្វើសកម្មភាពកាប់យកម៉ូតូម៉ាកហុងដាឌ្រីម ពណ៍ខ្មៅ ស៊េរីឆ្នាំ២០២៣ ពេលបានហើយអាឡិចអ្នកយកម៉ូតូទៅទុក។
នៅថ្ងៃទី២៤ ខែធ្នូ ឆ្នាំ២០២៤ វេលាម៉ោង២ទាបភ្លឺ ខ្លួននិងបក្ខពួក ចំនួន៦នាក់ ម៉ូតូចំនួន៣គ្រឿង កាំបិត២ដើម បានធ្វើសកម្មភាពកាន់យកម៉ូតូ នៅខាងត្បួងវត្តថ្មី ។ពេលកាប់យកម៉ូតូបានហើយ អាឡិចយកទៅលក់មិនដឹងលក់កន្លែងណា ហើយខ្លួនបានប្រាក់២០០០B(ពីរពាន់បាត)។
នៅថ្ងៃទី១៧ ខែធ្នូ ឆ្នាំ២០២៤ វេលាម៉ោង៣ទាបភ្លឺ ខ្លួននិងបក្ខពួក ចំនួន៤នាក់ ២ម៉ូតូ កាំបិត១ដើម កាប់បានម៉ូតូ១គ្រឿងម៉ាកហុងដាឌ្រីម ពណ៍ខ្មៅ ស៊េរីឆ្នាំ២០២៤ ខ្លួនបានលុយ៤០០០B(បួនពាន់បាត)។
រយៈពេល៥ខែមុន ខ្លួននិងបក្ខពួកចំនួន៦នាក់ ម៉ូតូ៣គ្រឿង បានធ្វើសកម្មភាពភាព កាប់ម៉ូតូគេ ហើយដេញកាប់និងគប់ ក្រុមម្ខាងទៀតព្រោះវាឌឺមើលមុខ មិនត្រឹមតែប៉ុណ្ណោះ ខ្លួននិងបក្ខពួកធ្លាប់ធ្វើសកម្មភាពឆក់ទូរស័ព្ទនិងកាបូបលុយចំនួន៤លើក។
ជនសង្ស័យទី២ មាន ឈ្មោះហឹង ហ្វាន់ទី ភេទប្រុស អាយុ១៥ឆ្នាំ ជនជាតិខ្មែរ ស្នាក់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។
បានឆ្លើយសារភាពថា កាលពីថ្ងៃទី២៤ ខែធ្នូ ឆ្នាំ២០២៤ វេលាម៉ោង២ទាបភ្លឺ ខ្លួននិងបក្សពួក មានឈ្មោះសីហា ,ឈ្មោះឡិ,ឈ្មោះសម្បត្តិ,ពីរនាក់ទៀតអត់ស្គាល់ឈ្មោះ បានធ្វើសកម្មភាពកាប់យកម៉ូតូគេនៅមុខវត្តថ្មី ពេលនោះបក្ខពួកជិះម៉ូតូ៣គ្រឿង កាំបិតចំនួន២ដើម ខ្លួនបានប្រាក់ចំនួន១០០០០០៛(ដប់ម៉ឺនរៀល)។
កាលពីអំឡុងខែកក្កដា ឆ្នាំ២០២៤ វេលាម៉ោងប្រហែល៩យប់ ខ្លួននិងបក្ខពួកចំនួន៤នាក់ មានអាសី,អាឡិនិងម្នាក់ទៀតពួកម៉ាកអាឡិ បានធ្វើសកម្មភាពឆក់កាបូបលុយគេ នៅចំនុចចំការស្វាយ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ចែកប្រាក់គ្នាខ្លួនបានចំនួន៣៥០០០៛(បីម៉ឺនប្រាំពាន់រៀល)។
សូមបញ្ជាក់ថា ជនសង្ស័យទាំង២នាក់ខាងលើពិតជាបានធ្វើសកម្មភាពកាប់យកម៉ូតូគេនឹងកាប់ហើយគុបគេ យ៉ាងសកម្ម ក្នុងភូមិសាស្ត្រក្រុងប៉ោយប៉ែត ពិតប្រាកដមែននិងជាក្មេងទំនើងផងដែរ។
បច្ចុប្បន្នជនសង្ស័យទាំងពីរ ត្រូវបានកម្លាំងអធិការដ្ឋាននគរបាលក្រុងប៉ោយប៉ែតកសាងសំណុំរឿងនិងបញ្ជូន ចាត់ការតាមនីតិវិធីច្បាប់–។
.ចំណែកបក្ខពួកដែរបានរត់គេចខ្លួន ជំនាញបន្តកំពុងស្រាវជ្រាវដើម្បីយកមកចាត់ការតាមនីតិវិធី..៕
