បញ្ជូនជនសង្ស័យ២នាក់ទៅសាលាដំបូងខេត្តបន្ទាយមានជ័យ ករណីរក្សាទុក និងប្រើប្រាស់គ្រឿងញៀនដោយខុសច្បាប់

(បន្ទាយមានជ័យ )÷ កម្លាំងអាវុធហត្ថក្រុងប៉ោយប៉ែតបញ្ជូនជនសង្ស័យ២នាក់ទៅសាលាដំបូងខេត្តបន្ទាយមានជ័យ ករណីរក្សាទុក និងប្រើប្រាស់គ្រឿងញៀនដោយខុសច្បាប់ នៅថ្ងៃទី០១ ខែកញ្ញា ឆ្នាំ២០២៤។

ជនសង្ស័យទាំងពីរនាក់១.ឈ្មោះ ពៅ អឿយ ភេទប្រុស អាយុ៣១ឆ្នាំ ជនជាតិខ្មែរ មុខរបរសន្តិសុខ, ២-ឈ្មោះ ជឺម សារ៉េត ហៅ ពៅ ភេទប្រុស អាយុ ២១ឆ្នាំ ជនជាតិខ្មែរមុខរបរ ជាងជួសជុលរថយន្ត។ ជនសង្ស័យទាំង២នាក់ បច្ចុប្បន្នរស់នៅភូមិក្បាលស្ពាន១ សង្កាត់អូរជ្រៅក្រុងប៉ោយប៉ែត ខេត្តបន្ទាយមានជ័យ។

លោកវរសេនីយ៍ត្រី នួន នីណារ៉ូ មេបញ្ជការមូលដ្ឋានកងរាជអាវុធហត្ថក្រុងប៉ោយប៉ែត បានឲ្យដឹងថា៖ នៅពេលដែលកម្លាំងកងរាជអាវុធហត្ថទទួលពានព័ត៌មានករណីរក្សាទុក និងប្រើប្រាស់គ្រឿងញៀនដោយខុសច្បាប់នៅចំណុចកាស៊ីណូអាត់ប៊ិច ក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត លោកបានដឹកនាំកម្លាំងចុះប្រតិបត្តិការណ៍ដល់ទីតាំងឃាត់ខ្លួនបានជនសង្ស័យ២នាក់ ព្រមទាំងចាប់យកវត្ថុតាងរួមមាន៖ គ្រឿងញៀនប្រភេទម្ស៉ៅក្រាមសថ្លា (ទឹកកក)ចំនួន ០៥ថង់កិប ទម្ងន់១,៥៤ក្រាម ហើយនាំមកកាន់មូលដ្ឋានកងរាជអាវុធហត្ថក្រុង ដើម្បីចាត់ការតាមនីតិវិធី។
លោកវរសេនីយ៍ត្រីនួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងបានឱ្យដឹងថា ក្រោយឃាត់ខ្លួន និងសួរនាំរួច ជនសង្ស័យបានឆ្លើយសារភាពថា ពួកខ្លួនពិតជាបានរក្សាទុក និងប្រើប្រាស់ដោយខុសច្បាប់នូវសារធាតុគ្រឿងញៀនពិតប្រាកដមែន។ ត្រូវបានកសាងសំណុំរឿងបញ្ជូនទៅកាន់ទីបញ្ជការដ្ឋានកងរាជអាវុធហត្ថខេត្តបញ្ជូនបន្តទៅសាលាដំបូងខេត្តបន្ទាយមានជ័យអនុវត្តតាមនីតិវិធី៕(ប៉ោយប៉ែត