ខេត្តបន្ទាយមានជ័យ៖ព្រះភិក្ខុសុមនធម្មោ ចាន់ សុគា ជំនួយការព្រះគ្រូអនុគណក្រុងប៉ោយប៉ែត ត្រូវបានប្រកាសតែងតាំងជាព្រះចៅអធិការវត្តសិរីមង្គលសុទ្ធារាម ស្ទឹងបត់ សង្កាត់ផ្សារកណ្តាលនៃក្រុងប៉ោយប៉ែត ខេត្តបន្ទាយមានជ័យ ក្រោមអធិបតីភាព ព្រះវិជ័យមុនីធុល សុធា ជាព្រះមេគណខេត្ត លោក យឹម សំណាងអភិបាលរងខេត្ត នាចុងសប្តាហ៍កន្លងនេះ ។ពិធីប្រកាសតែងតាំងនេះ ធ្វើឡើងតាមចំណារឯកភាពរបស់មន្ទីរធម្មការនិងសាសនាខេត្ត និងតាម ការចាំបាច់របស់សាលាអនុគណក្រុងប៉ោយប៉ែត ដែលបានសម្រេចឲ្យព្រះភិក្ខុចាន់ សុគា ជាព្រះគ្រូចៅអធិការវត្តស្ទឹងបត់ជំនួសអន្ទិត អ៊ុក ចំរើន ដែលបានលាចាកសិក្ខាបទកាលពីពេលកន្លងទៅថ្មីៗនេះ។
ព្រះឧត្តមសីលញ្ញាណ ធុល សុធា ព្រះមេគណខេត្ត បានមានសង្ឃដីកាថា ការប្រកាសតែងតាំង និងប្រគល់ភារៈកិច្ចនៅថ្ងៃនេះ គឺត្រូវរួមសហការផ្ទាល់ជាមួយគណៈសង្ឃស្រុក ក្រុងអាជ្ញាធរអង្គភាពពាក់ព័ន្ធ ដើម្បីគ្រប់គ្រងដឹកនាំព្រះសង្ឃព្រះពុទ្ធសាសនា។ជាពិសេសកូននេនតូចៗ ដែលកំពុងសិក្សារៀនសូត្រនៅសាលាពុទ្ធិក យ៉ាងណាត្រូវមានការសម្របសម្រួលជាមួយព្រះសង្ឃអាចារ្យគណៈកម្មការដើម្បីបន្តការអភិវឌ្ឍព័ វត្តស្ទឹងបត់បន្តទៀត។
លោក យឹម សំណាង បានបន្តថា រឿងអាក្រក់ចាស់ៗកន្លងផុតទៅហើយដូច្នេះត្រូវគិតរឿងថ្មីជាបន្តទៅសំខាន់រូបរួមសាមគ្គីផ្ទៃក្នុងឲ្យបានល្អនិងត្រូវ ទុកដាក់ដោះស្រាយជាអាទិភាព និងឆាប់រហ័សមិនត្រូវធ្វេសប្រហែសទុកចោលលើបញ្ហាប្រឈមរហូតដល់ក្លាយជារឿងធំ បណ្ដាលឲ្យមានភាពអាស្រូវ ប៉ះពាល់ដល់កិត្យានុភាពសក្ដានុពលកិត្តិយសដល់ព្រះពុទ្ធសាសនា ដែលជាសាសនានៃសុខសន្តិភាព។ ចុងក្រោយលោកអភិបាលរងខេត្ត ក៏បានផ្ដាំផ្ញើ ដលលព្រះសង្ឃអាចារ្យគណៈកម្មការ ប្រជាពុទ្ធបរិស័ទក្រុមយុវជន សូមចូលរួមពង្រឹងសម្អាតបរិស្ថានទីធ្លាវត្តឲ្យបានស្អាតល្អ៕
