ភ្ញាក់ផ្អើលត្រីពីរ៉ាញ៉ារីខាំកសិករម្នាក់បណ្តាលឲ្យរបួស ខណ:ចុះទឹកស្ទឹងក្រញូងរៀបចំបូមទឹក !!!!

ដោយះ លោក ម៉ង់ ចន្នី

ចេញផ្សាយថ្ងៃ សុក្រ ២កើតខែស្រាពណ៍ឆ្នាំថោះ បញ្ជស័ក ពុទ្ធសករាជ ២៥៦៧ ត្រូវនឹងថ្ងៃទី១៨ខែសីហាឆ្នាំ២០២៣

ខេត្តបាត់ដំបងះ

ពលរដ្ឋភ្ញាក់ផ្អើលខ្លាំងរឿងត្រីពីរ៉ាញ៉ាខាជើងកសិករម្នាក់បណ្តាលឲ្យរងរបួសយ៉ាងដំណំ ខណ:កសិករខាងលើចុះក្នុងទឹកស្ទឹងក្រញូងដើម្បីរៀបចំឧបករណ៍បូមទឹក។

ករណីបង្កការភ្ញាក់ផ្អើលនេះបានកើតឡើងនៅល្ងាចថ្ងៃទី១៨ ខែសីហា ឆ្នាំ២០២៣ ឋិតនៅត្រង់ចំណុចពាមស្ទឹងក្រញូងក្នុងភូមិសាស្ត្រស្រុកសំឡូត ខេត្តបាត់ដំបង។

ប្រភពនៅកន្លែងកើតហេតុបានប្រាប់ឲ្យដឹងថា÷ ត្រីកំពតបានខាំជើងប្រជាពលរដ្ឋជាកសិករម្នាក់បណ្តាលដាច់សាច់ហូរឈាមខ្លាំងក្នុងពេលដែលគាត់ចុះក្នុងទឹកស្ទឹងក្រញូងដើម្បីរៀបចំបូមទឹក។ ករណីដូចគ្នានេះតែងតែកើតមានឡើងស្ទើររៀងរាល់ឆ្នាំគឺពលរដ្ឋរងគ្រោះដោយសារត្រីកំពតខាំ។

ជនរងគ្រោះឈ្មោះសួន ចំរើន ភេទប្រុស អាយុ៦៣ឆ្នាំរស់នៅភូមិតាសាញជើង ឃុំតាសាញ ស្រុកសំឡូត ខេត្តបាត់ដំបង។ មន្ត្រីរដ្ឋបាលស្រុកបានបញ្ជាក់ថា÷ ជើងរបស់ជនរងគ្រោះរបួសដោយសារត្រីខាំ ប៉ុន្តែមិនមែនត្រីពីរ៉ាញ៉ាខាំស៊ីនោះទេគឺវាជាត្រីកំពតខាំទៅវិញទេ វាចូលក្នុងស្បែងជើងកវែងរួចខាំជើងត្រូវសរសែឈាមបណ្តាលឲ្យហូរឈាមខ្លាំងត្រូវបញ្ជូនទៅសង្គ្រោះនៅមន្ទីរពេទ្យបង្អែកខេត្តបាត់ដំបង៕

ដោយ: គេហទំព័រ ប៊ុនថន ញូវ