បន្ទាយមានជ័យ៖ស្ត្រីចំណាស់៣នាក់ បានរងរបួសធ្ងន់និងស្រាល ក្នុងឧបទ្ទវហេតុគ្រោះថ្នាក់ចរាចរណ៍ ដែលបង្កឡើងដោយរថយន្តសេរីទំនើបISUZU បានបុកពីក្រោយពេញទំហឹងនៅព្រឹកថ្ងៃទី១៤ ខែឧសភា ឆ្នាំ២០២៤ នៅចំណុុចខាងកើតសូឡា ស្ថិតភូមិ.ឃុំឈ្នួរមានជ័យ ស្រុកព្រៈនេត្រព្រៈ ខេត្តបន្ទាយមានជ័យ ។ក្រោយពីកើតហេតុភ្លាមមន្ត្រីនគរបាលចរាចរណ៍ស្រុកព្រៈនេត្រព្រៈ បានចុះមកជួយអន្តរាគម និងធ្វើការវាស់វែង។
ប្រភពព័ត៌មានបានឲ្យដឹងថា នៅពេលគ្រោះថ្នាក់ចរាចរណ៍កើតឡើងមានមស្ត្រី៣នាក់បានជិៈម៉ូតូម៉ាក់ហុងដាវ៉េវ ពណ៌ក្រហម សេរីចាស់ បើកបរតាមបណ្តោយផ្លូវជាតិលេខ៥ ក្នុងទិសដៅពីលិចទៅកើត បម្រុងបត់ចូលខាងឆ្លងផ្លូវទៅខាងស្តាំដៃ ក៏ត្រូវរថយន្តម៉ាក់ISUSUពាក់ស្លាកលេខចង្កូតស្តាំBMC-0664បើកបរស្របទិសគ្នាបុកពីក្រោយពេញទំហឹង បណ្តាលប៉ើងរបួសស្ត្រីចំណាស់៣នាក់ ក្នុងនោះមាន២នាក់បាក់ជើង និងម្នាក់ទៀតគ្រិចចង្កេះរបួសធ្ងន់ ត្រូវបានរថយន្តសង្គ្រោះមន្ទីពេទ្យបង្អែកស្រុកព្រៈនេត្រព្រៈដឹកទៅកាន់មន្ទីពេទ្យភ្លាមៗ។
មន្ត្រីនគរបាលចរាចរណ៍ស្រុកព្រៈនេត្រព្រៈ បានប្រាប់ថា៖មូលហេតុគ្រោះថ្នាក់ចរាចរណ៍កើតឡើងគឺផ្តើមចេញពីស្ត្រី ៣នាក់ ជិៈម៉ូតូបត់ខ្វះការប្រុងប្រយ័ត្ន ខណៈរថយន្តបើកក្នុងងល្បឿនលឿនផងនោះក៏ស្រាប់តែបុកពេញទំហឹង បណ្តាលរបួសធ្ងន់ចំនួន៣នាក់ ២នាក់បាក់ជើង និងរងការខូចខាតរថយន្តផ្នែកខាងមុខនិងម៉ូតូខ្ទេច។
មន្ត្រីនគរបាលបានបញ្ជាក់ថា៖ក្រោយធ្វើការពិនិត្យវាស់វែងហើយរថយន្តបង្កគ្រោះថ្នាក់ និងម៉ូតូរងគ្រោះ ត្រូវបានយកទៅរក្សាទុកនៅអធិការដ្ឋាននគរបាលស្រុកព្រៈនេត្រព្រៈ រងចាំដោះស្រាយគ្នា តាមនិតិវិធីច្បាប់ចរាចរណ៍ជាក្រោយ៕
